ਮੋਦੀ ਸਰਕਾਰ ਦੀ ਪਹਿਲੀ ਕੈਬਨਿਟ ਬੈਠਕ ਵਿਚ ਕਿਸਾਨਾਂ ਤੇ ਸ਼ਹੀਦ ਪਰਿਵਾਰਾਂ ਲਈ ਕੀਤੇ ਕਈ ਐਲਾਨ

ਨਵੀਂ ਦਿੱਲੀ 31 ਮਈ (ਏਜੰਸੀਆਂ): ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪਹਿਲੀ ਕੈਬਨਿਟ ਦੀ ਬੈਠਕ 'ਚ ਸ਼ਹੀਦਾਂ ਦੇ ਪਰਿਵਾਰਾਂ ਲਈ ਕਈ ਮਹੱਤਵਪੂਰਨ ਫੈਸਲੇ ਲਏ ਗਏ ਹਨ। ਇਸ ਬੈਠਕ 'ਚ ਸ਼ਹੀਦਾਂ ਦੇ ਪਰਿਵਾਰਾਂ ਦੇ ਬੱਚਿਆਂ ਨੂੰ ਦਿੱਤੀ ਜਾਣ ਵਾਲੀ ਸਕਾਲਰਸ਼ਿਪ ਦੀ ਰਕਮ 'ਚ ਵਾਧਾ ਕੀਤਾ ਗਿਆ ਹੈ। ਨੈਸ਼ਨਲ ਡਿਫੈਂਸ ਫੰਡ ਤਹਿਤ ਇਸ 'ਚ ਵਾਧਾ ਕੀਤਾ ਗਿਆ। ਲੜਕਿਆਂ ਨੂੰ ਦਿੱਤੀ ਜਾਣ ਵਾਲੀ ਸਕਾਲਰਸ਼ਿਪ 'ਚ 500 ਰੁਪਏ ਅਤੇ ਲੜਕੀਆਂ ਦੀ ਸਕਾਲਰਸ਼ਿਪ 'ਚ 750 ਰੁਪਏ ਦਾ ਵਾਧਾ ਕੀਤਾ ਗਿਆ। ਇਸ ਦਾ ਮਤਲਬ ਹੁਣ ਲੜਕਿਆਂ ਨੂੰ 2000 ਤੋਂ ਵਧਾ ਕੇ 2500 ਰੁਪਏ ਪ੍ਰਤੀ ਮਹੀਨਾ ਅਤੇ ਲੜਕੀਆਂ ਨੂੰ 2250 ਰੁਪਏ ਤੋਂ ਵਧਾ ਕੇ 3000 ਰੁਪਏ ਪ੍ਰਤੀ ਮਹੀਨਾ ਸਕਾਲਰਸ਼ਿਪ ਮਿਲੇਗੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ  ਨੇ ਕਿਹਾ, ਸਾਡੀ ਕੈਬਨਿਟ ਦਾ ਇਹ ਫੈਸਲਾ ਦੇਸ਼ ਦੀ ਸੁਰੱਖਿਆ ਕਰਨ ਵਾਲਿਆਂ ਨੂੰ ਸਮਰਪਿਤ ਹੈ। ਮੋਦੀ ਸਰਕਾਰ ਦੀ ਇਸ ਪਹਿਲੀ ਕੈਬਨਿਟ ਮੀਟਿੰਗ ਦੇ ਸੰਸਦ ਸੈਸ਼ਨ ਦੀ ਤਰੀਕ ਬਾਰੇ ਵੀ ਚਰਚਾ ਹੋ ਸਕਦੀ ਹੈ।

ਪ੍ਰਧਾਨ ਮੰਤਰੀ ਸਕਾਲਰਸ਼ਿਪ ਸਕੀਮ ਦਾ ਦਾਇਰਾ ਹੁਣ ਵਧ ਗਿਆ ਹੈ। ਇਸ ਦੇ ਤਹਿਤ ਹੁਣ ਇਸ ਸਕੀਮ ਦਾ ਲਾਭ ਫੌਜ ਤੇ ਨੀਮ ਫੌਜੀ ਬਲਾਂ ਤੋਂ ਇਲਾਵਾ ਸੂਬਾ ਪੁਲਸ ਦੇ ਉਨ੍ਹਾਂ ਜਵਾਨ ਬੱਚਿਆਂ ਨੂੰ ਵੀ ਮਿਲੇਗਾ। ਇਸ ਕੋਟੇ ਦਾ ਲਾਭ ਇਕ ਸਾਲ 'ਚ 500 ਨੂੰ ਮਿਲੇਗਾ। ਪ੍ਰਧਾਨ ਮੰਤਰੀ ਸਕਾਲਰਸ਼ਿਪ ਸਕੀਮ ਦਾ ਲਾਭ ਸੂਬਾ ਪੁਲਸ ਦੇ ਉਨ੍ਹਾਂ ਜਵਾਨਾਂ ਦੇ ਬੱਚਿਆਂ ਨੂੰ ਮਿਲੇਗਾ, ਜੋ ਡਿਊਟੀ ਦੌਰਾਨ ਜਾਂ ਨਕਸਲੀ ਹਮਲੇ ਦੌਰਾਨ ਸ਼ਹੀਦ ਹੋਏ ਹਨ। ਰਾਸ਼ਟਰੀ ਸੁਰੱਖਿਆ ਨਿਧੀ ਦੇ ਤਹਿਤ ਆਉਣ ਵਾਲੀ ਪ੍ਰਾਈਮ ਮਿਨਿਸਟਰ ਸਕਾਲਰਸ਼ਿਪ ਸਕੀਮ 'ਚ ਵੱਡਾ ਬਦਲਾਅ ਕੀਤਾ ਗਿਆ ਹੈ।

ਦੱਸ ਦੇਈਏ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੋਬਾਰਾ ਪ੍ਰਧਾਨ ਮੰਤਰੀ ਦਾ ਅਹੁਦਾ ਸੰਭਾਲਣ ਤੋਂ ਬਾਅਦ ਅੱਜ ਭਾਵ ਸ਼ੁੱਕਰਵਾਰ ਨੂੰ ਪਹਿਲੀ ਕੈਬਨਿਟ ਬੈਠਕ ਬੁਲਾਈ ਗਈ ਅਤੇ ਬੈਠਕ ਸ਼ੁਰੂ ਕਰਨ ਤੋਂ ਪਹਿਲਾਂ ਪੀ. ਐੱਮ. ਮੋਦੀ ਨੇ ਮਹਾਤਮਾ ਗਾਂਧੀ ਅਤੇ ਸਰਦਾਰ ਪਟੇਲ ਨੂੰ ਸ਼ਰਧਾਂਜਲੀ ਦਿੱਤੀ ਅਤੇ ਬਾਅਦ 'ਚ ਬੈਠਕ ਸ਼ੁਰੂ ਕੀਤੀ। ਕੈਬਨਿਟ ਦੀ ਪਹਿਲੀ ਬੈਠਕ 'ਚ ਸ਼ਾਮਲ ਹੋਣ ਲਈ ਪੀ. ਐੱਮ. ਨਰਿੰਦਰ ਮੋਦੀ ਤੋਂ ਇਲਾਵਾ ਰਾਜਨਾਥ ਸਿੰਘ , ਸਮ੍ਰਿਤੀ ਈਰਾਨੀ, ਅਬਾਸ ਨਕਵੀ, ਧਰਮਿੰਦਰ ਪ੍ਰਧਾਨ , ਨਿਰਮਲਾ ਸੀਤਾਰਮਨ , ਜਤਿੰਦਰ ਸਿੰਘ , ਗਿਰੀਰਾਜ ਅਤੇ ਅਰਵਿੰਦ ਸਾਵੰਤ ਵੀ ਪਹੁੰਚੇ।

ਮੋਦੀ ਨੇ ਮੰਤਰੀਆਂ ਨੂੰ ਕੀਤੀ ਵਿਭਾਗਾਂ ਦੀ ਵੰਡ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਪਣੇ ਮੰਤਰੀਆਂ ਦੇ ਵਿਭਾਗਾਂ ਦਾ ਐਲਾਨ ਕਰ ਦਿੱਤਾ ਹੈ। ਪਿਛਲੀ ਸਰਕਾਰ 'ਚ ਗ੍ਰਹਿ ਮੰਤਰੀ ਰਹੇ ਰਾਜਨਾਥ ਸਿੰਘ ਨੂੰ ਇਸ ਵਾਰ ਰੱਖਿਆ ਮੰਤਰੀ ਬਣਾਇਆ ਗਿਆ ਹੈ, ਜਦੋਂ ਕਿ ਪਹਿਲੀ ਵਾਰ ਕੇਂਦਰ ਸਰਕਾਰ 'ਚ ਸ਼ਾਮਲ ਅਮਿਤ ਸ਼ਾਹ ਨੂੰ ਦੇਸ਼ ਦਾ ਨਵਾਂ ਗ੍ਰਹਿ ਮੰਤਰੀ ਬਣਾਇਆ ਗਿਆ ਹੈ। ਨਿਤਿਨ ਗਡਕਰੀ ਨੂੰ ਇਕ ਵਾਰ ਫਿਰ ਸੜਕ ਅਤੇ ਟਰਾਂਸਪੋਰਟ ਮੰਤਰਾਲੇ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ। ਨਿਰਮਲਾ ਸੀਤਾਰਮਨ ਅਗਲੀ ਵਿੱਤ ਮੰਤਰੀ ਹੋਵੇਗੀ, ਜਦੋਂ ਕਿ ਸਾਬਕਾ ਵਿਦੇਸ਼ ਸਕੱਤਰ ਐੱਸ. ਜਯਸ਼ੰਕਰ ਨੂੰ ਦੇਸ਼ ਦਾ ਨਵਾਂ ਵਿਦੇਸ਼ ਮੰਤਰੀ ਬਣਾਇਆ ਗਿਆ ਹੈ। ਜਾਣੋ ਕਿਸ ਨੂੰ ਮਿਲਿਆ ਕਿਹੜਾ ਵਿਭਾਗ:-

ਮੰਤਰੀਆਂ ਦਾ ਨਾਂ ਕਿਸ ਮੰਤਰਾਲੇ ਦੀ ਦਿੱਤੀ ਗਈ ਜ਼ਿੰਮੇਵਾਰੀ
1- ਨਰਿੰਦਰ ਮੋਦੀ (ਪ੍ਰਧਾਨ ਮੰਤਰੀ) ਪ੍ਰਧਾਨ ਮੰਤਰੀ ਦੇ ਅਹੁਦੇ ਨਾਲ ਅਮਲਾ, ਜਨ ਸ਼ਿਕਾਇਤ ਅਤੇ ਪੈਨਸ਼ਨ, ਪਰਮਾਣੂੰ ਊਰਜਾ, ਪੁਲਾੜ ਮੰਤਰਾਲੇ, ਇਸ ਤੋਂ ਇਲਾਵਾ ਉਹ ਸਾਰੇ ਮੰਤਰਾਲੇ ਜੋ ਕਿਸੇ ਵੀ ਮੰਤਰੀ ਨੂੰ ਅਲਾਟ ਨਹੀਂ ਹੋਏ ਹਨ।
2- ਰਾਜਨਾਥ ਸਿੰਘ (ਕੈਬਨਿਟ ਮੰਤਰੀ) ਰੱਖਿਆ ਮੰਤਰਾਲੇ
3- ਅਮਿਤ ਸ਼ਾਹ (ਕੈਬਨਿਟ ਮੰਤਰੀ) ਗ੍ਰਹਿ ਮੰਤਰਾਲੇ
4- ਨਿਤਿਨ ਗਡਕਰੀ (ਕੈਬਨਿਟ ਮੰਤਰੀ) ਸੜਕ ਟਰਾਂਸਪੋਰਟ-ਰਾਜਮਾਰਗ ਅਤੇ ਮਾਈਕ੍ਰੋ, ਲਘੂ ਅਤੇ ਮੱਧਮ ਉੱਧਮ ਮੰਤਰਾਲੇ
5- ਸਦਾਨੰਦ ਗੌੜਾ (ਕੈਬਨਿਟ ਮੰਤਰੀ) ਰਸਾਇਣ ਅਤੇ ਖਾਦ ਮੰਤਰਾਲੇ
6- ਰਾਮ ਵਿਲਾਸ ਪਾਸਵਾਨ (ਕੈਬਨਿਟ ਮੰਤਰੀ) ਉਪਭੋਗਤਾ ਮਾਮਲੇ, ਖਾਦ ਅਤੇ ਜਨਤਕ ਵੰਡ ਮੰਤਰਾਲੇ 
7-ਨਰਿੰਦਰ ਸਿੰਘ ਤੋਮਰ (ਕੈਬਨਿਟ ਮੰਤਰੀ) ਖੇਤੀ ਅਤੇ ਕਿਸਾਨ ਕਲਿਆਣ, ਪੇਂਡੂ ਵਿਕਾਸ ਅਤੇ ਪੰਚਾਇਤੀ ਰਾਜ਼ ਮੰਤਰਾਲੇ
8- ਰਵੀਸ਼ੰਕਰ ਪ੍ਰਸਾਦ (ਕੈਬਨਿਟ ਮੰਤਰੀ) ਕਾਨੂੰਨ ਅਤੇ ਨਿਆਂ, ਸੰਚਾਰ ਅਤੇ ਇਲੈਕਟ੍ਰਾਨਿਕ ਅਤੇ ਸੂਚਨਾ ਮੰਤਰਾਲੇ
9- ਨਿਰਮਲਾ ਸੀਤਾਰਮਨ (ਕੈਬਨਿਟ ਮੰਤਰੀ) ਵਿੱਤ ਅਤੇ ਕਾਰਪੋਰੇਟ ਮਾਮਲੇ ਦਾ ਮੰਤਰਾਲੇ
10- ਹਰਸਿਮਰਤ ਕੌਰ ਬਾਦਲ (ਕੈਬਨਿਟ ਮੰਤਰੀ) ਫੂਡ ਪ੍ਰੋਸੈਸਿੰਗ ਉਦਯੋਗ ਮੰਤਰਾਲੇ
11-ਰਮੇਸ਼ ਪੋਖਰੀਯਾਲ ਨਿਸ਼ੰਕ (ਕੈਬਨਿਟ ਮੰਤਰੀ) ਮਨੁੱਖੀ ਸਰੋਤ ਵਿਕਾਸ ਮੰਤਰਾਲਾ
12-ਥਾਵਰ ਚੰਦ ਗਹਲੋਤ (ਕੈਬਨਿਟ ਮੰਤਰੀ) ਸਮਾਜਿਕ ਨਿਆਂ ਅਤੇ ਮਜ਼ਬੂਤੀਕਰਨ ਮੰਤਰਾਲਾ
13-ਅਰਜੁਨ ਮੁੰਡਾ (ਕੈਬਨਿਟ ਮੰਤਰੀ) ਆਦਿਵਾਸੀ ਮਾਮਲਿਆਂ ਦਾ ਮੰਤਰਾਲਾ
14-ਸ੍ਰਮਿਤੀ ਈਰਾਨੀ (ਕੈਬਨਿਟ ਮੰਤਰੀ) ਮਹਿਲਾ ਅਤੇ ਬਾਲ ਵਿਕਾਸ ਅਤੇ ਕੱਪੜਾ ਮੰਤਰਾਲਾ
15- ਹਰਸ਼ਵਰਧਨ (ਕੈਬਨਿਟ ਮੰਤਰੀ) ਸਿਹਤ ਅਤੇ ਪਰਿਵਾਰ ਕਲਿਆਣ, ਵਿਗਿਆਨ ਅਤੇ ਤਕਨਾਲੋਜੀ ਭੂਵੀਗਿਆਨ ਮੰਤਰਾਲਾ
16- ਪ੍ਰਕਾਸ਼ ਜਾਵੇਡਕਰ ਵਾਤਾਵਰਣ ਮੰਤਰਾਲਾ, ਜੰਗਲਾਤ ਅਤੇ ਜਲਵਾਯੂ ਤਬਦੀਲੀ ਅਤੇ ਸੂਚਨਾ ਪ੍ਰਸਾਰਣ
17-ਪੀਯੂਸ਼ ਗੋਇਲ (ਕੈਬਨਿਟ ਮੰਤਰੀ) ਰੇਲਵੇ ਅਤੇ ਵਣਜ ਉਦਯੋਗ ਮੰਤਰਾਲਾ
18- ਧਰਮੇਂਦਰ ਪ੍ਰਧਾਨ (ਕੈਬਨਿਟ ਮੰਤਰੀ) ਪੈਟਰੋਲੀਅਮ, ਕੁਦਰਤੀ ਗੈਸ ਅਤੇ ਸਟੀਲ ਮੰਤਰਾਲੇ
19- ਮੁਖਤਾਰ ਅੱਬਾਸ ਨਕਵੀ (ਕੈਬਨਿਟ ਮੰਤਰੀ) ਘੱਟ ਗਿਣਤੀ ਮਾਮਲਿਆਂ ਦਾ ਮੰਤਰਾਲੇ
20- ਐੱਸ. ਜਯਸ਼ੰਕਰ (ਕੈਬਨਿਟ ਮੰਤਰੀ) ਵਿਦੇਸ਼ ਮੰਤਰਾਲੇ
21- ਪ੍ਰਹਲਾਦ ਜੋਸ਼ੀ (ਕੈਬਨਿਟ ਮੰਤਰੀ) ਸੰਸਦੀ ਮਾਮਲੇ, ਕੋਲਾ ਅਤੇ ਖਾਨ ਮੰਤਰਾਲੇ
22-ਮਹਿੰਦਰ ਨਾਥ ਪਾਂਡੇ (ਕੈਬਨਿਟ ਮੰਤਰੀ) ਕੌਸ਼ਲ ਵਿਕਾਸ ਅਤੇ ਉੱਦਮਿਤਾ ਮੰਤਰਾਲੇ
23-ਅਰਵਿੰਦ ਸਾਵੰਤ (ਕੈਬਨਿਟ ਮੰਤਰੀ) ਭਾਰੀ ਉਦਯੋਗ ਅਤੇ ਜਨਤਕ ਉੱਦਮ ਮੰਤਰਾਲੇ
24- ਗਿਰਿਰਾਜ ਸਿੰਘ (ਕੈਬਨਿਟ ਮੰਤਰੀ) ਪਸ਼ੂ ਪਾਲਣ, ਡੇਅਰੀ ਅਤੇ ਮੱਛੀ ਪਾਲਣ ਮੰਤਰਾਲੇ
25-ਗਜੇਂਦਰ ਸਿੰਘ ਸ਼ੇਖਾਵਤ (ਕੈਬਨਿਟ ਮੰਤਰੀ) ਜਲ ਸ਼ਕਤੀ ਮੰਤਰਾਲੇ
26- ਸੰਤੋਸ਼ ਗੰਗਵਾਰ (ਰਾਜ ਮੰਤਰੀ-ਸੁਤੰਤਰ ਚਾਰਜ) ਮਜ਼ਦੂਰ ਅਤੇ ਰੋਜ਼ਗਾਰ ਮੰਤਰਾਲੇ
27- ਰਾਵ ਇੰਦਰਜੀਤ ਸਿੰਘ (ਰਾਜ ਮੰਤਰੀ-ਸੁਤੰਤਰ ਚਾਰਜ) ਅੰਕੜਾ ਅਤੇ ਪ੍ਰੋਗਰਾਮ ਲਾਗੂ ਕਰਨ ਅਤੇ ਯੋਜਨਾਬੰਦੀ ਮੰਤਰਾਲੇ
28- ਸ਼੍ਰੀਪਦ ਨਾਈਕ (ਰਾਜ ਮੰਤਰੀ-ਸੁਤੰਤਰ ਚਾਰਜ) ਆਊਸ਼ ਮੰਤਰਾਲੇ (ਆਜ਼ਾਦ ਚਾਰਜ), ਰੱਖਿਆ ਮੰਤਰਾਲੇ (ਰਾਜ ਮੰਤਰੀ)
29- ਜਤਿੰਦਰ ਸਿੰਘ (ਰਾਜ ਮੰਤਰੀ-ਸੁਤੰਤਰ ਚਾਰਜ) ਪੂਰਬ-ਉੱਤਰ ਵਿਕਾਸ (ਆਜ਼ਾਦ ਚਾਰਜ), ਪੀ.ਐੱਮ.ਓ., ਅਮਲਾ, ਜਨਸ਼ਿਕਾਇਤ ਅਤੇ ਪੈਨਸ਼ਨ, ਪਰਮਾਣੂੰ ਊਰਜਾ, ਪੁਲਾੜ ਮੰਤਰਾਲੇ (ਰਾਜ ਮੰਤਰੀ)
30-ਕਿਰਨ ਰਿਜਿਜੂ (ਰਾਜ ਮੰਤਰੀ-ਸੁਤੰਤਰ ਚਾਰਜ) ਯੂਥ ਮਾਮਲੇ ਅਤੇ ਖੇਡ (ਆਜ਼ਾਦ ਚਾਰਜ), ਘੱਟ ਗਿਣਤੀ ਮਾਮਲੇ (ਰਾਜ ਮੰਤਰੀ)
31-ਪ੍ਰਹਲਾਦ ਸਿੰਘ ਪਟੇਲ (ਸੂਬਾ ਮੰਤਰੀ-ਸੁਤੰਤਰ ਚਾਰਜ) ਸੱਭਿਆਚਾਰ ਅਤੇ ਸੈਰ-ਸਪਾਟਾ (ਸੁਤੰਤਰ ਚਾਰਜ)
32-ਆਰ.ਕੇ. ਸਿੰਘ (ਸੂਬਾ ਮੰਤਰੀ-ਸੁਤੰਤਰ ਚਾਰਜ) ਬਿਜਲੀ ਨਵੀਨ ਅਤੇ  ਨਵਿਆਉਣਯੋਗ ਊਰਜਾ (ਸੁਤੰਤਰ ਚਾਰਜ), ਹੁਨਰ ਵਿਕਾਸ ਅਤੇ ਉਦਿਅਮਸ਼ੀਲਤਾ (ਰਾਜ ਮੰਤਰੀ)
33-ਹਰਦੀਪ ਸਿੰਘ ਪੁਰੀ (ਸੂਬਾ ਮੰਤਰੀ-ਸੁਤੰਤਰ ਚਾਰਜ) ਸ਼ਹਿਰੀ ਵਿਕਾਸ ਮੰਤਰਾਲਾ ਅਤੇ ਸ਼ਹਿਰੀ ਹਵਾਬਾਜ਼ੀ (ਸੁਤੰਤਰ ਚਾਰਜ), ਵਪਾਰ ਅਤੇ ਉਦਯੋਗ ਮੰਤਰਾਲਾ (ਰਾਜ ਮੰਤਰੀ)
34-ਮਨਸੁਖ ਮੰਡਾਵੀਆ (ਸੂਬਾ ਮੰਤਰੀ, ਸੁਤੰਤਰ ਚਾਰਜ) ਜਹਾਜ਼ਰਾਣੀ (ਸੁਤੰਤਰ ਚਾਰਜ) ਰਸਾਇਣ ਅਤੇ  ਖਾਦ (ਰਾਜ ਮੰਤਰੀ)
35-ਫੱਗਣ ਸਿੰਘ ਕੁਲਸਤੇ (ਸੂਬਾ ਮੰਤਰੀ) ਇਸਪਾਤ ਸੂਬਾ ਮੰਤਰੀ
36-ਅਸ਼ਵਨੀ ਚੌਬੇ (ਸੂਬਾ ਮੰਤਰੀ) ਸਿਹਤ ਅਤੇ ਪਰਿਵਾਰ ਕਲਿਆਣਾ ਸੂਬਾ ਮੰਤਰੀ
37-ਜਨਰਲ (ਰਿਟਾਇਰ) ਵੀ.ਕੇ ਸਿੰਘ (ਸੂਬਾ ਮੰਤਰੀ) ਸੜਕ, ਆਵਾਜਾਈ ਅਤੇ ਰਾਜਮਾਰਗ ਸੂਬਾ ਮੰਤਰੀ
38-ਕ੍ਰਿਸ਼ਨ ਪਾਲ ਗੁੱਜਰ (ਸੂਬਾ ਮੰਤਰੀ)  ਸਾਮਾਜਿਕ ਨਿਆਂ ਅਤੇ ਮਜ਼ਬੂਤੀਕਰਨ ਸੂਬਾ ਮੰਤਰੀ
39- ਦਾਨਵੇ ਰਾਵਸਾਹਿਬ ਦਾਦਾਰਾਵ (ਰਾਜ ਮੰਤਰੀ) ਉਪਭੋਗਤਾ ਮਾਮਲੇ, ਫੂਡ ਅਤੇ ਜਨਤਕ ਵੰਡ ਰਾਜ ਮੰਤਰੀ
40- ਜੀ ਕਿਸਨ ਰੈੱਡੀ (ਰਾਜ ਮੰਤਰੀ) ਗ੍ਰਹਿ ਰਾਜ ਮੰਤਰੀ
41- ਪੁਰਸ਼ੋਤਮ ਰੁਪਾਲਾ (ਰਾਜ ਮੰਤਰੀ) ਖੇਤੀ ਅਤੇ ਕਿਸਾਨ ਕਲਿਆਣ ਰਾਜ ਮੰਤਰੀ
42- ਰਾਮਦਾਸ ਅਠਾਵਲੇ (ਰਾਜ ਮੰਤਰੀ) ਸਮਾਜਿਕ ਨਿਆਂ ਅਤੇ ਮਜ਼ਬੂਤੀਕਰਨ ਰਾਜ ਮੰਤਰੀ
43- ਸਾਧਵੀ ਨਿਰੰਜਨ ਜੋਤੀ (ਰਾਜ ਮੰਤਰੀ) ਪੇਂਡੂ ਵਿਕਾਸ ਰਾਜ ਮੰਤਰੀ
44- ਬਾਬੁਲ ਸੁਪ੍ਰਿਓ (ਰਾਜ ਮੰਤਰੀ) ਪਸ਼ੂ ਪਾਲਣ, ਡੇਅਰੀ ਅਤੇ ਮੱਛੀ ਪਾਲਣ ਰਾਜ ਮੰਤਰੀ
46- ਧੋਤਰੇ ਸੰਜੇ ਸ਼ਮਰਾਵ (ਰਾਜ ਮੰਤਰੀ) ਮਨੁੱਖੀ ਸਰੋਤ ਵਿਕਾਸ, ਸੰਚਾਰ ਅਤੇ ਇਲੈਕਟ੍ਰਾਨਿਕ ਅਤੇ ਸੂਚਨਾ ਤਕਨਾਲੋਜੀ ਰਾਜ ਮੰਤਰੀ
47- ਅਨੁਰਾਗ ਸਿੰਘ ਠਾਕੁਰ (ਰਾਜ ਮੰਤਰੀ) ਵਿੱਤ ਅਤੇ ਕਾਰਪੋਰੇਟ ਮਾਮਲਿਆਂ ਦੇ ਰਾਜ ਮੰਤਰੀ
48- ਸੁਰੇਸ਼ ਅੰਗਾਦਿ (ਰਾਜ ਮੰਤਰੀ) ਰੇਲ ਰਾਜ ਮੰਤਰੀ
49- ਨਿਤਿਆਨੰਦ ਰਾਏ (ਰਾਜ ਮੰਤਰੀ) ਗ੍ਰਹਿ ਰਾਜ ਮੰਤਰੀ
50- ਵੀ. ਮੁਰਲੀਧਰਨ (ਰਾਜ ਮੰਤਰੀ) ਵਿਦੇਸ਼, ਸੰਸਦੀ ਕਾਰਜ ਰਾਜ ਮੰਤਰੀ
51- ਰੇਣੂਕਾ ਸਿੰਘ (ਰਾਜ ਮੰਤਰੀ) ਆਦਿਵਾਸੀ ਮਾਮਲਿਆਂ ਦੀ ਰਾਜ ਮੰਤਰੀ
52- ਸੋਮ ਪ੍ਰਕਾਸ਼ (ਰਾਜ ਮੰਤਰੀ) ਵਣਜ ਅਤੇ ਉਦਯੋਗ ਰਾਜ ਮੰਤਰੀ
53- ਰਾਮੇਸ਼ਵਰ ਤੇਲੀ (ਰਾਜ ਮੰਤਰੀ) ਫੂਡ ਪ੍ਰੋਸੈਸਿੰਗ ਉਦਯੋਗ ਰਾਜ ਮੰਤਰੀ
54- ਪ੍ਰਤਾਪ ਚੰਦਰ ਸਾਰੰਗੀ (ਰਾਜ ਮੰਤਰੀ) ਮਾਈਕ੍ਰੋ, ਲਘੂ ਅਤੇ ਮੱਧਮ ਉੱਦਮ ਅਤੇ ਪਸ਼ੂ ਪਾਲਣ, ਡੇਅਰੀ ਅਤੇ ਮੱਛੀ ਪਾਲਣ ਰਾਜ ਮੰਤਰੀ
55- ਕੈਲਾਸ਼ ਚੌਧਰੀ (ਰਾਜ ਮੰਤਰੀ) ਖੇਤੀ ਅਤੇ ਕਿਸਾਨ ਕਲਿਆਣ ਰਾਜ ਮੰਤਰੀ
56- ਦੇਬਾਸ਼੍ਰੀ ਚੌਧਰੀ (ਰਾਜ ਮੰਤਰੀ) ਮਹਿਲਾ ਅਤੇ ਬਾਲ ਵਿਕਾਸ ਰਾਜ ਮੰਤਰੀ
57- ਅਰਜੁਨ ਰਾਮ ਮੇਘਵਾਲ (ਰਾਜ ਮੰਤਰੀ) ਸੰਸਦੀ ਕਾਰਜ, ਭਾਰੀ ਉਦਯੋਗ ਅਤੇ ਜਨਤਕ ਉੱਦਮ ਰਾਜ ਮੰਤਰੀ
58- ਰਤਨ ਲਾਲ ਕਟਾਰੀਆ (ਰਾਜ ਮੰਤਰੀ) ਜਲ ਸ਼ਕਤੀ ਅਤੇ ਸਮਾਜਿਕ ਨਿਆਂ ਅਤੇ ਮਜ਼ਬੂਤੀਕਰਨ ਰਾਜ ਮੰਤਰੀ

Unusual
Center Government
pm narendra modi
cabinet meeting

International